Kalimi i Nousair Mazraui te Bajerni i Mynihut është drejt përfundimit. Marokeni tashmë ka përfunduar me sukses kontrollin mjekësor. Prandaj, marrëveshja me klubin gjerman mund të shpallet së shpejti.
“BILD” raporton se transferimi zyrtar mund të shpallet në të ardhmen e afërt. Kontrolli mjekësor tashmë është bërë dhe asgjë nuk pengon një njoftim të tillë. Bajerni ka arritur një marrëveshje verbale me lojtarin javë më parë. Marokeni do të transferohet pa pagesë nga Ajaksi i Amsterdamit te kampionët gjermanë gjatë verës.
Sipas informacioneve të “BILD”, 24-vjeçari do të fitojë rreth 8 milionë euro në vit. Mazraui konsiderohet si lojtari i ëndrrave absolute të Julian Nagelsmanit për anën e djathtë të mbrojtjes. Trajneri i Bajernit personalisht kërkoi transferim dhe ishte në kontakt me lojtarin. Mazraui është vendosur të zëvendësojë Benzhamë Pavarin në krahun e djathtë.
Francezi do të luajë si qendërmbrojtës në sezonin e ri. Bajerni ka arritur të mposhtë konkurrencën e Mançester Junajtidit dhe Barcelonës për të bindur lojtarin të vijë në Mynih.
GRAVENBERSH DËMTOHET, KAMPIONËT NUK HEQIN DORË
Mesfushori i Ajaks Amsterdamit, Rajan Gravenbersh, është në prag të bashkimit me Bajernin, ndërsa problem mbetet vetëm tarifa e transferimit. Pasditen e së mërkurës, sapo erdhi një përditësim nga kampi i Ajaksit në lidhje me holandezin. “Telegraaf” raportoi se Gravenbersh pësoi një dëmtim në kyçin e këmbës gjatë stërvitjes së ekipit.
Sipas gazetës, sezoni i të riut ka përfunduar pasi kanë mbetur vetëm tri ndeshje për t’u luajtur. Edhe pse “nuk është një dëmtim serioz”, mesfushori po përballet me një pushim të gjatë deri në gjashtë javë.
Lëndimi i Gravenbershit vjen në një moment shumë të keq për Amsterdamin. Ajaks është vetëm katër pikë përpara Aindhovenit me tri ndeshje të mbetura.
Gjithsesi, bavarezët nuk heqin dorë dhe me shumë mundësi do të kërkojnë ta mbyllin me lojtarin për sezonin e ardhshëm.
Arena e Lajmit
and then