Fundjavë pozitive për lojtarët shqiptarë në Europë, ja si vlerësohen legjionarët

Fundjava që sapo lamë pas, ishte një fundjavë shumë pozitive për lojtarët shqiptarë që aktivizohen në Europë.

Faqja e mirënjohur e statistikave, “Sofa Score” ka bërë me dije vlerësimet e saj për legjionarët që aktivizohen në kontinentin e vjetër.

I pari në këtë renditje është sulmuesi i Kombëtares shqiptare, Bekim Balaj, i cili vlerësohet me notën 8,4, ku ka shënuar një dopietë me Bolusporin e tij ndaj Samsunsporit në Ligën e Parë turke.

I dyti është renditur, Enis Çokaj, i cili vlerësohet me notën 8,1, ku ka dhuruar dy asiste për skuadrën e tij Lokomotiv Zagreb ndaj Goricës.

I treti është renditur, portieri i Shqipërisë, Etrit Berisha, i cili është vlerësuar me notën 7,9, ku ka bërë një pritje të mrekullueshme të penalltisë së Insinjes me Torinon e tij.

I katërti është renditur Odise Roshi, i cili vlerësohet me notën 7,6, ku ka dhuruar asist te goli i Bekim Balajt ndaj Samsunporit.

I pesti është klasifikuar, portieri i Kombëtares shqiptare, Thomas Strakosha, i cili vlerësohet me notën 7,4, ku ka kryer një paraqitje fantastike me fanellën e Lacios ndaj Sampdorias.

VLERËSIMET E LEGJIONARËVE SIPAS FAQES SË STATISTIKAVE, “SOFA SCORE” –

– Arena e Lajmit