Daniele Adani, ish-futbollisti i njohur italian, vazhdon t’i thurë elozhe Kristjan Asllanit. Mesfushori i talentuar shqiptar ka përfunduar në vëmendjen e klubeve më të njohura pas shpërthimit të tij në Serinë A me Empolin. Sipas Adanit, kushdo që do ta blejë atë në verë, do të bëjë një goditje të madhe.
“E kam thënë që Asllani është lojtari i ri më i mirë i kampionatit. Kush do ta marrë, nuk e di çfarë goditje do të bëjë, do ta kuptojë me kalimin e kohës”, tha ai në “Bobo TV”, i bindur se potenciali i futbollistit është i jashtëzakonshëm, si mundësia për t’u përmirësuar.
Ndërkohë, Adani ka kritikuar Federatën Italiane se pse i ka ikur nga duart një futbollist i tillë. ”Unë pastaj pyes veten: Ky djalë jeton dy hapa larg Empolit që nga mosha 2-vjeçare. Si është e mundur që federata italiane nuk i ka parë cilësitë e tij dhe federata shqiptare po? Kush e merr përgjegjësinë?”, tha Adani, i cili me sa duket kishte pritshmëri që Asllani të ishte potencialisht një futbollist i Italisë në të ardhmen.
Arena e Lajmit
and then