Fabian Ruiz është duke zhvilluar një sezon fantastik me Napolin, saqë Real Madrid ka shfaqur interes për të.
Sipas asaj që raporton “Il Mattino”, Karlo Ançeloti e dëshiron ta ketë sërish me vete mesfushorin spanjoll, i cili e mori në sezonin 2018/2019 nga skuadra e Betisit kur asokohe italiani drejtonte Napolin.
Tekniku italian sheh tek spanjolli 26-vjeçar, zëvendësuesin ideal të Luka Modriç që aktualisht është në moshën 36-vjeçare.
Madrilenët dëshirojnë të freskojnë mesfushën, ku përveç largimit të mundshëm të Modriçit, mund të shpallë “divorcin” edhe Toni Kros.
Klubi mbretëror e ka gati zëvendësuesin e gjermanit, i cili është Edoardo Kamavinga, ku së bashku me Kazemiron dhe Fabian Ruizin, mesfusha e Realit do të ishte ndryshe nga ky sezon pa Modriç dhe Kros.
Aktualisht gjatë këtij sezoni me fanellën e Napolit, Fabian Ruiz është aktivizuar në total në Serinë A në 31 ndeshje nga ku ka shënuar 7 gola dhe ka dhuruar dhe 4 asiste për shokët e skuadrës.
– Arena e Lajmit
and then