Veza përdoret kryesisht në gatime por ajo mund të shërbejë edhe për produkte dhe aktivitete në shtëpi dhe jashtë saj.
Cipa e hollë e një veze të zier plotësisht ka aftësi shëruese sidomos nëse prisni gishtin apo dorën.
Ajo mund të përdoret edhe si një fashë e mirëfilltë.
Përzieni të verdhën e një veze me dy lugë çaji me mjaltë dhe formoni një pelte të hollë.
Vendoseni në fytyrë dhe pjesën e qafës dhe mbajeni për 10-15 minuta.
Më pas shpëlajeni me ujë të ngrohtë.
Veza përmban lecithinë që e ushqen lëkurën.
Lëvozhgën e vezës mund ta grini hollë dhe ta hidhni sipër sipërfaqeve të mbjella për të shmangur praninë e kërmijve, krimbave dhe insekteve të tjera.
E bardha e vezës është shumë e mirë për të pastruar fytyrat komplekse ose me yndyrë, për të trajtuar aknet dhe tendosur lëkurën.
Rrihni të bardhën e vezës me gjysëm luge çaji me lëng limoni dhe vendoseni në fytyrë.
Lëreni të thahet dhe më pas aplikoni një shtresë të dytë, e cila duhet të qëndrojë për 10 minuta.
Më pas shpëlajeni me ujë të ngrohtë.
Lëvozhgat e vezës mund t’i përdorni për të mbjellë bimët e preferuara.
Përdorni një gjilpërë për të hapur një vrimë kullimi nga lëvozhga bosh.
Mbusheni atë me dhe’ e më pas vendosni farat deri sa të çelin filiza.
Kur përthahet, proteina tek e bardha e vezës shërben si ngjitës i fuqishëm, sidomos në letër.
E bardha e vezës përmban kalçium, një mineral i dobishëm për domatet qershizë, patëllxhanët e të tjerë.
Mund ta përdorni për fertilizimin e bimëve.
Piqini lëvozhgat boshe në furrë për 8 minuta.
Më pas bluajini dhe pluhurin shtojeni në lëngun e frutave që pini çdo ditë
Bluajeni kafenë bashkë me copëza të lëvozhgës dhe kafeja do të jetë më e ëmbël.
Veza e bluar është fantastike për pastrimin e enëve të palara dhe tubave të kuzhinës.
Veza si mbajtëse qirinjsh
Mund të vendosni qirinj të vegjël në lëvozhgën e vezës, në mënyrë që të mos pikojnë. Vezët me qirinj mund t’i vendosni në mbajtësen e vezëve për një pamje më interesante./AgroWeb.org
and then