Kim Kardashian nuk hezitoi t’i bënte të ditur dy fëmijëve të saj në mes të intervistës se po dëgjoheshin shumë duke folur me zë të lartë.
Në intervistën e saj të fundit në ‘The Tonight Show’, ylli i Kardashians kishte marrë me vete dy djemtë e saj, Saint West, 6 vjeç, dhe Psalm West, 3 vjeç. Ndërsa Saint dhe Psalm ishin ulur pas kamerave, ata bënë një paraqitje të improvizuar dhe gazmore në TV pasi zërat e tyre u dëgjuan në sfond ndërsa Kim po bisedonte me prezantuesin Jimmy Fallon.
“Djema, a mund të ndaloni”, -u tha me shaka ajo. “Kjo është hera juaj e parë në punë me mua. Mund të ndaloni ju lutem?” Siç shpjegoi Kim, “Dy djemtë e mi janë këtu dhe i dëgjoj duke bërë kaq shumë zhurmë…Mos bëni rrëmujë. Hajde!”
Por, teksa themeluesja e SKIMS u përpoq të vazhdonte intervistën, dy djemtë duket se ishin mërzitur duke qëndruar pa folur. Kim ndaloi dhe u tha atyre: “Djema, seriozisht, ju duhet të ikni”.
Psalm duket se ishte më i zhurmshmi pasi u largua nga studi dhe shkoi në prapaskenë teksa Saint qëndroi duke parë të ëmën. Por dy djemtë e saj nuk janë të vetmit që ‘duan tu dëgjohet zëri’ pasi siç zbuloi Kim, North është shumë e talentuar. “Ajo repon, këndon. Ajo e di ‘We Don’t Talk About Bruno’ në 8 gjuhë. Kur takova Lin Manuel Miranda(kompozitorin) në Met Gala i thashë se ‘E dua dhe e urrej’ në të njëjtën kohë. Nuk mund ta dëgjoj më atë këngë.”- tha Kim.
and then 
