Një 25-vjeçar është vënë në pranga policia në Tepelenë pasi rezultonte i shpallur në kërkim për veprën penale “Kultivim i bimëve narkotike”.
“Shërbimet e Komisariatit të Policisë Tepelenë, në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, bazuar dhe në informacionet e marra në rrugë policore, bënë të mundur kapjen dhe ndalimin e shtetasit Ardi Çela, 25 vjeç, banues në fshatin Izvor, Tepelenë”, thuhet në njoftimin e uniformave blu.
Ndërkohë rezulton se Gjykata e Apelit Gjirokastër e ka dënuar Çelën me 2 vjet burgim, nga të cilat i kanë mbetur për të kryer edhe 6 muaj.
Kjo pasi, në korrik të vitit 2020, në vendin e quajtur “Përroi i Thellë”, në afërsi të fshatit Izvor, ai është konstatuar duke kultivuar bimë narkotike.
Materialet në ngarkim të shtetasit Ardi Çela i kaluan Prokurorisë për veprime të mëtejshme.
and then