Ai konsiderohet si një nga futbollistët më të mëdhenj të të gjitha kohërave dhe numëron miliona fansa në të gjithë botën.
Lionel Messi përveç se në fushën e blertë, është në qendër të vëmendjes edhe jashtë saj. Së fundmi ai është “pushtuar” nga fansat e tij të shumtë në Formentera, teksa po shijonte pushimet në një plazh.
Kapitenit të Argjentinës, iu bashkuan në këtë udhëtim edhe futbollistët e tjerë si Luis Suarez dhe Cesc Fabregas . Lionel ishte i buzëqeshur teksa ishte i rrethuar nga fansat të cilët kanë bërë foto dhe kanë marrë përqafime nga ylli. Futbollisti bisedoi me disa frekuentuese të plazhit të veshura me bikini teksa merrte rreze në ishullin spanjoll.
Në fotot e publikuara nga Daily Mail, Messi kishte veshur një jelek të zi dhe një palë pantallona të shkurtra ngjyrë të kuqe. Futbollisti tregoi fizikun e tij ndërsa ishte pa këmishë në udhëtimin me varkë me miqtë e tij dhe fëmijët e tyre.
Lionel dhe grupi u panë duke u zhytur në ujë dhe duke shkuar për të notuar teksa shfrytëzuan maksimalisht udhëtimin e tyre relaksues.
and then