Një sondazh i realizuar nga ish-ambasadori Arben Çeku, ka nxjerrë në pah problematikat që shqetësojnë popullin shqiptar, mes të cilat dominon papunësia dhe korrupsioni.
I ftuar këtë mbrëmje në “Open” në News24 me Eni Vasilin, Çeku u shpreh se rezultatet e këtij sondazhi janë një sinjale që duhet të reagojnë aktorët politik.
Ai thotë se ajo që vihet re nga rezultati i sondazhit, është fakti që qytetarët kanë një lodhje, pasi pritshmëritë e tyre janë shumë të larta bazuar në premtimet që u bëhen në fushatat politike, por në realitet nuk zbatohen.
“Ky rezultat është një rezultat i qëndrueshëm, nga të gjitha problematikat që kanë qytetarët, papunësia, korrupsioni, mungesa e drejtësisë, janë çështje që kanë qëndruar nga një sondazh tek tjetri dhe ky është problemi, qëllimi i sondazhit është për të tërhequr vëmendjen e qeverisë, drejtuesit politik.
Çfarë mendojnë qytetarët?
Kanë një lodhje nga pritshmëritë, sepse u është premtuar shumë në fushata, pastaj realiteti është diçka tjetër, nuk është se duhet një gjë e madhe për ta zbuluar, por ne zbresim në terren dhe flasim me qytetarët, dhe të pyetur në çdo sondazh, minimumi janë 3 mijë veta, një numër i madh, sepse në Shqipëri është sfidë për të realizuar sondazhe…
Por këto janë fakte që duhen lexuar nga qeveria.
Fakti që Rama propozoi dhe një formë komunikimi me qytetarët, tregon se e dinë që ka hendek në komunikim’, u shpreh ai.
and then