Mançester Junajtid ka marrë refuzimin e parë në merkaton e kësaj vere dhe ai ka ardhur nga Darvin Nunjez.
Sulmuesi i Benfikës nuk dëshiron që të transferohet në “Old Trafford”, sepse anglezët nuk do të luajnë në Champions sezonin e ardhshëm.
“Djajtë”, të cilët nuk fitojnë trofe prej 5 vitesh, nuk arritën të renditeshin mes katër vendeve të para këtë sezon dhe vendi më i mirë që mund të arrijnë të dielën është pozicioni i gjashtë, duke luajtur në Ligën e Europës.
“RMC Sport” ka zbuluar se sulmuesi uruguaian i ka prerë shkurt avancimet e Junajtidit për ta transferuar në Angli, pavarësisht se ata kishin përgatitur një ofertë mbi 68 milionë paund për kartonin e talentit 22-vjeçar.
Kjo është goditja e parë që merr trajneri i ardhshëm Erik ten Hag.
Ai sapo ka nisur nga puna, ndërsa trajneri në detyrë Tomas Tuhel tha në konferencën e djeshme se ai është në komunikim të vazhdueshëm me holandezin me mesazhe, por nuk janë takuar ende personalisht.
Arena e Lajmit
Loading…
and then