Kilian Mbape pritet të zyrtarizojë rinovimin e kontratës me skuadrën e PSG-së në orët e ardhshme, me yllin francez që ka marrë garanci nga ana e drejtuesve për ndryshimet që pritet të bëhen në klub. Trajneri duket të jetë pikënisja me Mauricio Poketino që pritet të largohet për t’i bërë vend 3-herë fituesit të Champions Ligës, Zinedin Zidan.
Francezi i cili gjendet aktualisht i lirë duket të jetë i përzgjedhuri i kampionëve të Francës për të drejtuar ekipin në sezonin e ardhshëm sipas raportimeve nga “ RMC Sports”. Mbape e ka shprehur prej kohësh simpatinë për teknikun duke theksuar disa herë se i pëlqen stili i lojës që ai zhvillon me skuadrat e tij.
Bashkë me Zidane pritet të afrohet dhe një drejtor i ri sportiv me Luis Kampos që pritet të zëvendësojë Leonardon.
Vërtetësia e këtyre zërave pritet të mësohet në orët e ardhshme zgjatjen e kontratës me Mbape dhe rrjedhimisht ndryshimet që do të vijnë në klub.
Arena e Lajmit
Loading…
and then