Prej javësh në përballje me ligjin, Gjykata merr vendimin e parë për Hailey Bieber

Problemet ligjore të Hailey Bieber kanë përfunduar…për momentin.

Gjykata ka marrë një vendim në favor të saj mbi një pretendim për shkelje të copyright të emrit të markës së saj tregtare të sapolançuar, Rhode, (gjithashtu emri i saj i mesëm). Por, ky emër është përdorur nga një kompani mode e krijuar në 2013.

Në padi, grupi kishte kërkuar një masë paraprake. Më 22 korrik, themeluesit e kompanisë së modës, Purna Khatau dhe Phoebe Vickers – të cilët citojnë markën e tyre si të veshur nga yje, përfshirë Beyoncé, Tracee Ellis Ross dhe Lupita Nyong’o – deklaruan se “nuk ka dyshim se znj. Bieber dhe kompania e saj e njohin kompaninë Rhode.” “Në të vërtetë, ajo më parë kërkoi të blinte të drejtat për të përdorur emrin e kompanisë, gjë që u refuzua”-vëren dokumenti. “Duke pasur parasysh sakrificat që kishin bërë për të ndërtuar markën, Khatau dhe Vickers refuzuan. Marka RHODE është pasuria e tyre më e rëndësishme. Por zonja Bieber, e cila me siguri mund ta përdorë famën e saj në sukses me një linjë bukurie të markave të ndryshme, me sa duket nuk e bën këtë.”

Por RHODE nuk do heqë dorë nga debetja ligjore. “Padia jonë vazhdon”, tha një zëdhënës i kompanisë në një deklaratë për E!News. “Vendimi i sotëm i gjykatës është thjesht një vendim për të mos ndaluar linjën e kujdesit të lëkurës së Hailey Bieber të përdorë emrin e markës sonë gjatë procesit gjyqësor, duke e shtyrë vendimin derisa të kemi mundësinë për të mbledhur më shumë prova”.

Zëdhënësi vazhdoi: “Ne jemi të sigurt se do të fitojmë në gjyq. ‘Rhode’ është emri dhe marka jonë, ne e ndërtuam atë dhe ligjet federale dhe shtetërore e mbrojnë atë. Ne i kërkojmë Hailey-t të arrijë qëllimet e saj pa përdorur emrin e markës që kemi nëntë vite duke ndërtuar.”

Në ditën e prezantimit, modelja e martuar me Justin Bieber foli për lidhjen e saj personale me emrin e markës. “Ju e dini, padyshim që është emri im i mesëm – është gjithashtu emri i mesëm i nënës sime,” tha ajo gjatë intervistës së saj të 15 qershorit me ‘Good Morning America’. “Pra, doja që të ishte kjo lidhje me prejardhjen familjare. Mësova shumë për kujdesin e lëkurës nga nëna ime.”