Policia e Tiranës ka finalizuar operacionin e koduar “Kantieri”, për goditjen e veprimtarisë kriminale në fushën e vjedhjes.
Gjatë aksionit të zhvilluar nga Komisariati i Policisë Nr. 1. janë arrestuar tre persona, të cilët kanë vjedhur, duke shpërdoruar detyrën, bazën materiale, në një kantier të firmës së ndërtimit ku punonin.
Njoftimi i policisë:
Shërbimet e Komisariatit të Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan operacionin “Kantieri”.
Si rezultat i operacionit u arrestuan në flagrancë shtetasit:
– H. M., 57 vjeç, për veprën penale “Vjedhja” e kryer në bashkëpunim;
– A. C., 35 vjeç, N. L., 54 vjeç, për veprën penale “Vjedhja duke shpërdoruar detyrën” e kryer në bashkëpunim.
Nga verifikimet e kryera ka rezultuar se këta shtetas, të 3 të punësuar në një firmë ndërtimi në rrugën “Ali Demi”, në bashkëpunim me njëri-tjetrin, kanë vjedhur bazën materiale në kantierin e kësaj firme.
Materialet i kaluan Prokurorisë, për veprime të mëtejshme procedurale.
Arena e Lajmit
and then