Beyonce ka shumë arsye për të qenë e lumtur dhe sigurisht që familja e saj është në krye të listës.
Vetëm një ditë para publikimit të albumit të saj të shumëpritur, ‘Renaissance’, fituesja e ‘Grammy-t’ ka ndarë një mesazh të veçantë kushtuar frymëzimeve të saj më të mëdha: Fëmijëve të saj dhe Jay-Z, Blue, 10 vejç, Rumi, 5 vjeç dhe Sir , 5 vjeç.
“Ky projekt u regjistrua gjatë tre viteve të pandemisë,” shkroi ajo në faqen e saj të Internetit krahas një fotografie të rrallë me fëmijët e saj. “Një kohë për të qenë të qetë, por edhe një kohë kur zbulova se isha më krijuese. Krijimi i këtij albumi më krijoi një vend për të ëndërruar dhe për të gjetur shpëtim gjatë një kohe të frikshme për botën.”
Në mesazhin e saj, 40-vjeçarja vuri në dukje se albumi ishte gjithashtu një udhëtim i bukur.
“Dua të falënderoj Rumi, Sir dhe Blue që më dhanë hapësirën, kreativitetin dhe frymëzimin”, shtoi ajo. “Dhe një falënderim i veçantë për bashkëshortin dhe muzën time, që më mbajti gjatë atyre netëve të vona në studio.” Në selfie-n e ëmbël, nëna e tre fëmijëve shihet pranë fëmijëve të saj në shtrat, teksa ata të 3 janë në gjumë.
Beyoncé falenderoi gjithashtu “Xhaxhi Xhonin”, kumbarin e saj, i cili siç shpjegoi, “ishte personi i parë që më ekspozoi muzikë dhe kulturë që shërbeu si frymëzim për këtë album”.
Dhe sigurisht, këngëtarja nuk harroi prindërit e saj Tina Knowles dhe Matthew Knowles për këshillat e tyre.
Po për ‘Beyhive’? “Shpresoj të gjeni gëzim në këtë album”, shtoi ajo. “Shpresoj që t’ju frymëzojë të çlironi strresin. Dhe të ndiheni po aq unikë, të fortë dhe seksi sa jeni.”
and then