Britney Spears shkon për herë të parë në një bar në moshën 40-vjeçare

Gëzuar, Britney!

Britney Spears, 40 vjeç, zbuloi se ajo shkoi në një lokal për herë të parë pas 4 dekadash jetë. Teksa ishte ulur në barin e një restoranti dhe po shijonte një koktej me asistenten e saj, këngëtarja e regjistroi momentin historik në Instagram Story.

“Kjo është hera ime e parë në një bar. Hera e parë”, tha Spears, e cila mbante syze të mëdha dielli. “Ndihem kaq e zbukuruar dhe ndihem kaq e sofistikuar.” “Ne po pimë një pije të vogël,” shtoi asistentja e saj, Victoria Asher, kur Spears e ktheu kamerën drejt saj.

Këngëtarja e “Gimme More” ka shkruar krah videos me sarkazëm, “Shumë e lumtur që m’i hoqën të drejtat për 13 vjet për të pirë një koktej. Unë jam shumë mirënjohës të gjithëve.”

Gjatë këtyre viteve, ekipi dhe familja e Spears kanë qenë të vendosur për ta mbajtur nënën e dy fëmijëve larg alkoolit. Në vitin 2018, Page Six raportoi se ekipi i saj kishte ndaluar që të servirej alkool në prapaskenë, ndërsa ajo ishte në turne. Për më tepër, një klauzolë në kujdestarinë e saj – e cila ishte në fuqi për më shumë se 13 vjet – thoshte se ajo nuk mund të pinte.

Në fakt, një muaj më parë, Spears pretendoi në një postim tashmë të fshirë në Instagram se babai i saj, Jamie Spears dhe vëllai i saj, Bryan Spears, e kishin detyruar të bënte teste të shumta droge. Ajo gjithashtu pretendoi se nuk i lejohej të pinte alkool gjatë qëndrimit të saj katërvjeçar në Las Vegas nga 2013 deri në 2017.

Mirëpo tanimë Britney mund ta shijojë jetën në maksimum pasi Gjykata e Los Angeles vendosi të ndërpresë kujdestarinë e të atit të Spears në nëntor. Që atëherë, Britney – e cila së fundmi u martua me të dashurin Sam Asghari – ka folur kundër familjes së saj në mediat sociale.