Kate Middleton dhe Princi William zgjodhën rrjetet sociale, konkretish Instagramin për të uruar Meghan Markle për ditëlindjen e saj të 41-të.
Duka dhe Dukesha e Kembrixhit ndanë një foto të Meghan Markle të marrë në festimet e jubileut të Platinumit të Mbretëreshës në qershor, duke shkruar: “Duke i uruar ditëlindjen Dukeshës së Sussex!”
Meghan dhe Harry, natyrisht, nuk kanë rrjete sociale, ndaj nuk kanë reaguar për asnjë nga urimet e bëra. Çifti ka postuar të njëjtin mesazh edhe në rrjetin social Twitter.
Princi Charles dhe Camilla Parker Bowles, nga ana e tyre, postuan një foto nga e njëjta ngjarje.
“Gëzuar ditëlindjen Dukeshës së Sussex!”- shkruajtën Princi i Uellsit dhe Dukesha e Cornwall.
Imazhet e shpërndara nga të dy çiftet u shkrepën në fillim të kësaj vere kur Markle, e veshur me Dior , mori pjesë në shërbimin e Mbretëreshës së Falënderimeve në Katedralen e Shën Palit me bashkëshortin e saj, Princin Harry.
Ngjarja shënoi herën e parë që Dukesha e Sussex u ribashkua publikisht me familjen mbretërore pas dy vitesh.
Vlen të theksohet edhe fakti se Mbretëresha Elisabeth nuk e ka uruar ende, të paktën publikisht, Meghan Markle. Instagrami i Familjes Mbretërore, që përfaqëson Mbretëreshën, nuk ka ndarë ende një postim për Meghan.
and then