Futbollisti shqiptar nga Ferizaj, Kastriot Imeri, është një nga emrat më të lakuar në merkato. Mesfushori ofesiv, zhvilloi një sezon fantastik në Zvicër me skuadrën e Servete, duke zgjuar interesin e shumë klubeve Europiane, që kërkojnë shërbimet e tij.
Në merkaton e janarit, Servete refuzoi ofertat e Nise e Ligue 1 dhe Xhenoas që ishte në Serie A. Teksa së fundmi raportohet se është skuadra e Fiorentinës që po insiston për transferimin e 21-vjeçarit. Klubi vjollcë ka bërë ofertë zyrtare në drejtim të Servetes prej katër milionë eurosh.
Por marrëveshja mes dy klubeve ende nuk është arritur, pasi Servete synon të fitojë rreth gjashtë milionë euro nga shitja e yllit të skuadrës.
Imeri këtë edicion e mbylli me 11 gola në Superligën e Zvicrës, teksa interesim kanë shfaqur edhe Eintraht Frankfurt, Klub Bryzh, Torino dhe skuadra franceze Nisë që vazhdon të insistojë për transferimin e tij.
Arena e Lajmit
Loading…
and then