Futbollistët e përfaqësueses shqiptare janë lënë pushim në pasditen e sotme nga trajneri Edi Reja. Pas seancës së paradites, lojtarët ishin të lirë që të largoheshin nga hoteli dhe të takonin familjarët e miqtë e tyre.
Por një pjesë e grupit kuqezi ka vendosur që të kalojë bashkë edhe këto orë larg hotelit ku qëndrojnë të grumbulluar gjatë periudhave të ndeshjeve të Kombëtares. Elseid Hysaj ka postuar në rrjetet sociale një foto ku shihet bashkë me Berishën, Bajramin, Balajn, Abrashin, Gjimshitin, Lenjanin, por edhe Edon Hasanin teksa darkonin së bashku.
Një mënyrë e veçantë për të treguar se grupi është gjithmonë bashkë dhe me këtë frymë po bëhet gati të përballojë ndeshjet e rëndësishme në Ligën e Kombeve ndaj Islandës dhe Izraelit.
Arena e Lajmit
Loading…
and then