Emri i Robert Levandovskit në merkato muajt e fundit ka qenë padyshim një prej më të lakuarve, me mediat nëpër botë që theksonin se polaku nuk ishte më i lumtur te Bajerni.
Mesa duket këtë gjë e ka konfirmuar vetë sulmuesi, i cili në konferencën e tij gjatë grumbullimit me kombëtaren, ka lëshuar deklaratën shokuese, duke i thyer zemrën tifozëve bavarezë.
“Kohës time te Bajerni i ka ardhur fundi. Nuk mund ta imagjinojë që mund të ketë një bashkëpunim të mëtejshëm që të shkojë mirë pas gjërave që kanë ndodhur muajt e fundit. Bajerni është një klub serioz dhe shpresoj që ata mos të më mbajnë vetëm prej kontratës. Një transferim do të ishte zgjidhja më e mirë për të dyja palët”, ishin fjalët e Levandovskit.
Për shërbimet e polakut është në garë Barcelona, me trajneri Çavi që e ka pohuar prej kohësh që kërkon në ekip 33-vjeçarin.
Arena e Lajmit
Loading…
and then