Lufta me flakët në Malin e Çikës, paralajmëron Peleshi: Zjarrvënia e qëllimshme dënohet dhe përgjegjësit do të shkojnë para drejtësisë!

Ministri i Mbrojtjes, Niko Peleshi ka reaguar lidhur me situatën e zjarreve në vend.

Nëpërmjet një statusi na Facebook, Peleshi thekson se prej orësh nuk janë ndalur përpjekjet nga toka dhe nga ajri për të neutralizuar flakët.

Reagimi:

Vijojnë prej orësh përpjekjet nga toka dhe ajri për të shuar flakët në të vetmen vatër që kemi në të gjithë territorin e vendit, atë në Malin e Çikës. Zjarri është vënë nën kontroll nga drejtimi i Palasës dhe po vijon puna në pjesën tjetër në drejtim të Himarës. Falë reagimit të shpejtë gjatë 24 orëshit të fundit janë shuar 11 vatra zjarri në qarqet e Fierit, Tiranës, Korçës e Shkodrës. Mirënjohje efektivëve të FA, forcave zjarrfikëse, por edhe vullnetarëve të angazhuar. Falenderime Mekanizmit Evropian të Mbrojtjes Civile për përgjigjen në kohë të shpejtë dhe ndihmën e dhënë.

Një thirrje për të gjithë qytetarët: Ruani mjedisin, ruani veten dhe të tjerët, duke bërë kujdes me ndezjen e zjarreve! Zjarrvënia e qëllimshme dënohet dhe përgjegjësit do të shkojnë para drejtësisë!