Boris Johnson nuk pritet të marrë pjesë në asnjë angazhim zyrtar politik këtë javë pasi ai po shijon pushimet e dyta verore jashtë vendit brenda një muaji, ka konfirmuar Downing Street.
Siç shkruan Sky News, gjatë fundjavës, Johnson u fotografua me pushime në Greqi “ndërsa familjet në Mbretërinë e Bashkuar po përballen me ndikimin e krizës së thelluar të kostos së jetesës”.
Kryeministri ne detyre i Britanise, Johnson bëri pushime në fillim të këtij muaji, pavarësisht paralajmërimeve për inflacion të mëtejshëm dhe kërcënimin e një recesioni në vend këtë vit.
Zëdhënësi zyrtar i kryeministrisë konfirmoi për gazetarët se Johnson “është me leje këtë javë”.
Zëdhënësi konfirmoi gjithashtu se Johnson po paguan nga xhepi i tij për udhëtimin në Greqi, por nuk pranoi të thoshte nëse siguria e tij financohet nga taksapaguesit britanike apo jo.
I pyetur se pse Johnson nuk mund të priste derisa të emërohej pasardhësi i tij ne detyre më 5 shtator përpara se të shkonte jashtë vendit, zëdhënësi i kryeministrit tha se ai nuk mund të hynte në detajet e kësaj, por tha se “aktiviteti i qeverisë vazhdon”.
“Unë nuk mund të hyj në vendimin rreth kohës, por ai është në pushim këtë javë. Ai do të kthehet këtë fundjavë,” u tha ai gazetarëve.
Gazeta Times ka raportuar se Johnson ndodhet në një pushim njëjavor në Greqi, ku vendasit e kanë fotografuar atë duke bërë blerje së bashku me gruan e tij Carrie Johnson në një supermarket në Nea Makri, një qytet në lindje të Athinës.
Laburistët e kanë kritikuar kryeministrin, duke e akuzuar se i trajton muajt e fundit si “një festë e madhe”.
Një zëdhënës i partisë tha: “Sipas dëshmive të muajve të fundit, duket se ka pak ndryshim nëse kryeministri është në zyrë apo me pushime, pasi ai vazhdimisht ka dështuar të përballojë sfidën e krizës së kostos së jetesës. Është e gjitha vetëm një festë e madhe për Boris Johnson, ndërkohë që vendi përpiqet të paguajë faturat e tyre”
and then