Deputeti Luçiano Boçi, ka reaguar ashpër ndaj qeverisë Rama. Nëpërmjet një statusi në Facebook, Boçi shkruan se arrestimi i djeshëm i drejtuesve të policisë dhe efektivëve të saj janë vetëm maja e ajsbergut.
Sipas tij kjo tregon edhe implikimin e turpshëm të trupës së policisë në masakrën zgjedhore të 25 prillit.
Statusi:
SHITJA E RADHËS
Arrestimi i djeshëm e drejtuesve të policisë dhe efektivëve të saj është maja e ajsbergut të implikimit të turpshëm të kësaj trupe në masakrën zgjedhore të 25 prillit.
Midis tyre spikat Zv/drejtori NUSHI, i përfshirë në manipulim provash dhe në ngjarje të tjera.
Zelli i tij ekstrem në goditjen e protestuesve demokratë ka qenë i njohur për publikun.
Por tashmë ai e ca të tjerë e kanë përmbushur rolin e tyre, e “mjeshtri” lart, po i shet një e nga një, për të shpëtuar lëkurën e vet.
Prandaj arrestimi i tyre nuk përbën më lajm.
Është shitja e radhës, pasi i ka shtrydhur mirë e mirë.
A nuk bëri kështu me Kokën?!
Po me Bllakon, pasi e shfrytëzoi si blerës votash?!
Etj…etj…
Por megjithatë laku po shtrëngohet pak nga pak dhe për Ramën.
Revolta popullore është në prag!
Arena e Lajmit
and then