Jennifer Lopez dhe vellot e nusërisë, një dashuri që nuk përfundon kurrë/ Të gjitha fustanet e saj ndër vite, në ekran dhe jashtë tij

Fustanet e bardha të nusërisë i shkojnë kaq shumë Jennifer Lopez…dhe ajo e di mirë këtë gjë.

Superylli u martua me Ben Affleck në Las Vegas më 16 korrik 2022 dhe veshi dy fustane të ndryshëm martese për këtë rast, duke përfshirë një që ajo e përshkroi si “nga një film i vjetër”. Ndërsa nuk dihet se cilit film i referohej, këngëtarja ka thënë “Pranoj” në një numër të jashtëzakonshëm filmash përgjatë viteve, nga “The Wedding Planner” i vitit 2001 deri në “Marry Me” i vitit 2022. Dhe për këto dasma në ekran, ajo ka veshur fustane nusërie. Lopez gjithashtu ka ecur në altar katër herë në jetën reale. Para se të martohej me Affleck, ajo ishte martuar me Marc Anthony nga 2004 në 2014, me Cris Judd nga 2001 në 2004 dhe me Ojani Noa nga 1997 në 1998.

Le t’i hedhim një sy çdo fustani që ka veshur J.Lo ndër vite, si për martesat e saj reale ashtu edhe në filma.

Dasma me Ben Affleck (2022)
Për t’u martuar me yllin e”Gigli” në Sin City, Lopez veshi dy fustane, njëri prej të cilëve ishte një fustan me dantella nga koleksioni i nusërisë së Zuhair Murad me mëngë të gjata dhe kishte një bust me korse. Ajo e kombinoi look-un me një vello tradicionale të zbukuruar me dantella, buqetë lulesh- dhe, sigurisht, unazën e saj të fejesës me diamant jeshil. Kur konfirmoi dasmën në buletinin e saj ‘On The JLo’, krijuesja e hitit “Waiting for Tonight” ndau gjithashtu foto dhe video të saj me një dizajn jacquard pa mëngë me lule nga Alexander McQueen.

“Shotgun Wedding” (2022)

Lopez luan me Josh Duhamel në këtë film të ri në të cilin, sipas IMDb, “destinacioni i dasmës ekstravagante të një çifti është zaptuar nga kriminelët”. Duke gjykuar nga fotot e publikuara deri tani prej saj, Jenny duket se e kalon pjesën më të madhe të filmit me këtë fustan nusërie me korse me një fund me nivele, i cili duhet thënë se nuk është aspak tradicional.

“Marry me” (2022)
Kat Valdez(J.Lo) vesh këtë krijim spektakolar nga Zuhair Murad Couture të mbuluar me qëndisje metalike dhe zbukurime për t’u martuar me Bastian (Maluma) para mijëra fansave në filmin e tyre ‘Marry me’. Por kur zbulon se ai po e tradhtonte, ajo vendos t’i thotë “po” një personi që ndodhej rastësisht në audiencë (Owen Wilson).

“Fustani peshonte 43 kilogramë dhe kërkonte pesë persona për ta transportuar dhe një shoqërues për ta futur dhe nxjerë Jenniferin”, tha stilistja Caroline Duncan për ‘Variety’, duke shtuar se fustani “jashtëzakonisht i rëndë” kishte për qëllim të shërbejë si një metaforë vizuale për dasmën publike të personazhit tepër të njohur.

“El Cantante” (2006)
I filmuar vetëm disa vjet pasi Lopez dhe Marc Anthony u martuan realisht, ky film biografik bazohet në jetën e këngëtarit të ndjerë të salsa-s, Héctor Lavoe. Ndërsa nusja e Lavoe, Puchi, J.Lo kishte veshur këtë fustan dantelle me një vello të madhe.

“Monster-in-Law” (2005)
Lopez ka veshur një fustan të fildishtë SaeYoung Vu Couture dhe doreza tipike për një princeshë në këtë film.

Dasma me Marc Anthony (2004)
Lopez shkëmbeu zotimet e saj me Anthony në oborrin e shtëpisë së saj në Beverly Hills, e veshur me një fustan Vera Wang me bust, shoqëruar me bizhuteritë e Neil Lane dhe një vello me tehe.

“Enough” (2002)
Martesa e Slim (Lopez) me Mitch (Billy Campbell) në këtë thriller të hershëm mund të ketë qenë larg nga një përrallë, por pamja e nuses së personazhit të J.Lo ishte padiskutim e bukur.

Dasma me Cris Judd (2001)
Lopez u martua me balerinën dhe koreografin Cris Judd me një fustan mahnitës të Valentino-s me dantella me lule dhe mëngë të tejdukshme të zbukuruara.

“The Wedding Planner” (2001)
Në një nga filmat më të dashura të J.Lo-së, personazhi i saj, planifikuesja e dasmave, Mary Fiore, përgatitet t’i thotë “Po” Massimo-s me një fustan të stilit vintage dhe kapelë pillbox me vello me pika.

Kur Meghan Markle u martua me Princin Harry në një dizajn të ngjashëm Givenchy në vitin 2018, krahasimet mes dy fustaneve vërshuan në mediat sociale.

Dasma me Ojani Noa (1997)
Për t’u martuar me bashkëshortin e saj të parë, aktorin Ojani Noa, Lopez veshi një fustan të bardhë dantelle elegant dhe pa mëngë dhe stiloi flokët me një topuz të zbukuruar me lule.