Legjenda gjermane këshillon bavarezët: Me këto dy transferime Bajerni kthehet në një ekip gjigantësh

Prej javësh, lajmet rreth Robert Levandovskit te Bajerni janë intensifikuar. Shenjat tregojnë për largim, polaku shprehu qartë dëshirën e tij për të ndryshuar. Lotar Mateus sheh një pasardhës të përshtatshëm për futbollistin botëror te Romelu Lukaku. Lotar ka sugjeruar një pasardhës në rast të largimit të Levës, Romelu Lukakun, sulmuesi i Çelsit, që u transferua në kryeqytetin anglez nga Interi verën e kaluar për 113 milionë euro.

Nën drejtimin e Tomas Tuhelit, megjithatë, belgu nuk ishte gjithmonë bindës dhe ndonjëherë humbi vendin e tij të rregullt si sulmues. “Unë do të merrja Romelu Lukakun nëse do të ishte ekonomikisht e mundshme, – tha 61-vjeçari.

Lukaku dhe Sadio Mane për Levandovskin dhe Serge Gnabrinë, nëse lojtari i kombëtares gjermane do të largohej nga klubi, kjo do të kishte cilësi, do të kishte një imazh të frikshëm”

Në një transferim të mundshëm të Lukakut, Matues pa potencialin që drejtuesit e kritikuar të Bajernit të lënë shenjën e tyre. “Bajerni nuk duhet t’i fshihet asnjë ekipi me këtë formacion sulmues”, vazhdoi ish-kapiteni i Gjermanisë. Problemi që Lukaku dhe Mane kanë është se nuk janë më të rinj: “Pavarësisht moshës së tyre, do të ishin zgjidhja ideale, sipas meje, për vitet e ardhshme.”, u shpreh Mateus.

Arena e Lajmit