Një lajm tronditës ka ardhur nga industria turke e kinematografisë.
Aktori, dramaturgu dhe regjisori i njohur turk, Civan Canova është ndarë nga jeta më 20 gusht 2022. Vdekja e tij u bë e ditur nga aktorja Esra Dermancolu.
Fansat e Canova janë të shokuar pas lajmit për vdekjen e tij. Canova ishte shumë i njohur për publikun shqiptar pasi ka luajtur në disa seriale si “Karadayi”, “Fatmagyl”, “Fate të kryqëzuara”.
Muajt e fundit aktori ndodhej i shtruar në spital, pasi u diagnostikua me kancer në mushkëri. Ai luftoi me këtë sëmundje për një kohë shumë të gjatë, por në fund humbi jetën në moshën 67-vjeçare.
Tre javë para vdekjes së tij, Civan postoi gjithashtu një video për fansat dhe miqtë e tij në Instagram. Në video, ai shihet i veshur me një maskë oksigjeni dhe në gjendje të keqe shëndetësore.
Civan Canova ishte djali i regjisorit turk Mahir Canova. Ai e filloi karrierën e tij të aktrimit duke bërë debutimin e tij kinematografik në filmin “Arkadaş”në 1974.
Në të njëjtin vit, Civan u regjistrua në Departamentin e Teatrit të Konservatorit Shtetëror të Ankarasë. Në vitin 1978, ai u bashkua me ekipin e Teatrove Shtetërore Turke. Civan ishte i martuar me aktoren Açelya Akkoyun.
and then