Një tjetër tragjedi në brigjet e Jugut të Shqipërisë u regjistruar mesditën e sotme, teksa mjeti lundrues me drejtues oficerin e policisë Arjan Tase, i mori jetën në plazhin e poatamit një vajze 7 vjeçe.
Fëmija ndodhej në jug të vendit, pasi së bashku me familjen e saj me origjinë nga Tropoja kishin lënë Kanadanë, ku jetojnë për disa ditë pushimesh në vendlindje.
Ndërkohë detaje të reja janë zbuluar për gomonen e fuqishme, helika e së cilës dyshohet se i solli goditjen vdekjeprurëse vogëlushes.
Mjeti lundrues i markës “Joker Boat” posedon dy motorë (2 x 300 hp) dhe është rreth 7 metra e gjatë. Sipas gazetarit Ernik Mehmeti gomonia mban emrin “Nëna 154”.
Ajo ndodhet akoma në bregun e detit ku ndodhi përplasja fatale, ndërsa policia është duke kryer ekspertizën dhe ka rrethuar zonën e plazhit, që tashmë është boshatisur nga pushuesit.
and then