Të shtëna me armë zjarri kanë ndodhur mbrëmjen e sotme në Kuçovë, ku një 45-vjeçar i identifikuar si Admir Bejo ka mbetur i plagosur.
Gazetarja Eneida Petova raporton për Newss24 dhe BalkanWeb detajet e fundit në lidhje me ngjarjen.
“Trupi i të plagosurit është gjetur nga banorët që fillimisht kanë kujtuar se ishte i pirë por kur kanë parë që ishte me gjak kanë lajmëruar autoritetet.
Është në sallë duke qenë se ka plagë në zonën e ijëve. Ende nuk ka informacione nëse është apo jo jashtë rrezikut për jetën.
Lagja është pa ndriçim, është një rrugicë e futur jo aks kryesor, u gjetën disa gëzhoja në vendngjarje, nuk ka as kamera sigurie, mund të ketë vetëm gjatë rrugës kryesore të lagjes.
Ende nuk është i qartë as orari ku ka ndodhur plagosja.
Burimet konfirmojnë se prej 10 vitesh jeton në Tiranë, por 4 ditët e fundit qarkullonte në qytet. Në 2007 së bashku me të vëllanë, kanë plagosur dy vëllezër vepër për të cilën kanë vuajtur dënimin me shtatë vite burg secili.
Që atëherë nuk u kthyen më të jetonin në Kuçovë.
Pista e policisë është përqendruar tek plagosja e 2007, por sipas burimeve të mia në policia, edhe vëllezërit që tentuan të vrisnin në 2007 nuk jetojnë në Kuçovë, jetojnë jashtë. Nuk dihet nëse është hakmarrje apo prishje e pazareve të drogës”, raportoi ajo.
and then