Një përplasje banale në një klub striptizmi katër vite më parë, e ka detyruar Cardi B të paraqitet në dyert e Gjykatës së Lartë në Queens së fundmi.
Reperja amerikane akuzohet për dhunë ndaj dy banakiereve të një lokali nate në vitin 2018.
Belcalis Marlenis Almanzar, e njohur si Cardi B, nuk i mohoi në asnjë moment akuzat duke pranuar madje se i kishte paguar gjithashtu një personi 5 mijë dollarë për të sulmuar njërën nga gratë në fjalë.
Përballë gjyqtares Michelle Johnson, reperja e lindur në Bronx, pranoi një marrëveshje duke pranuar fajin, që i kurseu asaj dënimin me burg.
Yllit 29-vjeçar të hip-hop-it iu dha një urdhër mbrojtjeje tre-vjeçar dhe u urdhërua të kryente 15 ditë shërbim në komunitet, si masë dënimi.
Pas kësaj, Cardi ka postuar disa fotografi në Instagramin e saj, ku duket e mrekullueshme me një fustan të bardh.
“Dielli nuk do të shkëlqejë çdo ditë, prandaj mua më pëlqen e nesërmja,”-shkruan reperja krahas imazheve.
Kujtojmë që sherri banal në klubin e striptizmit, ka ndodhur pasi Cardi B kishte zbuluar se njëra nga banakieret shkonte me partnerin e saj. Ajo nuk kishte hezituar t’i mësynte në vendin e saj të punës duke e kapur për flokësh dhe duke e përplasur në lokal.
Edhe sot, reperja vijon të jetë në një marrëdhënie me partnerin e saj, Offset me të cilin ka edhe dy fëmijë.
and then