Të shtëna me armë në një lokal në Tiranë, një i plagosur transportohet drejt spitalit

Një plagosje me armë zjarri ka ndodhur pak minuta më parë në një lokal që ndodhet në rrugën “Tasim Shehu”, në kryeqytet.

Nga informacionet paraprake dyshohet se si pasojë e një konflikti të çastit është plagosur me armë zjarri një shtetas ende i paidentifikuar.

Gazetari Igli Çelmeta ka arritur të mësojë se i plagosuri është dërguar menjëherë në spital, ndërsa ende është e paqartë se cili është autori i ngjarjes.