Skuadra e Vllaznisë ka qenë e fundit mes atyre që marrin pjesë në Kupat e Europës nga Superiorja që ka zbritur në fushë për të nisur përgatitjet për pjesëmarrjen ndërkombëtare. Shkodranët e nisin Ligën e Konferencës në turin e dytë ndaj për ta ka pasur më shumë ditë pushime në dispozicion të futbollistëve.
Trajneri Mirel Josa kishte sot të gjithë lojtarët e konfirmuar, me përjashtim të atyre që janë largime të konfirmuara si Da Silva, Mustedanagiç apo Krymi. Një mungesë në fakt ishte ajo e Mevlan Adilit, i cili është në bisedime për transferimin larg kampionatit shqiptar.
Ndërkohë, në stërvitje u shfaq edhe braziliani Kaina Nunjesh, i cili në pjesën e dytë të sezonit ishte dhënë huazim te Kastrioti dhe u paraqit mjaft mirë me krutanët. Sulmuesi shihet si një alternativë e rëndësishme në dispozicion të trajnerit Mirel Josa pas largimit të Gjurgjeviç.
Arena e Lajmit
Loading…
and then