Të shtënat me armë në drejtim të automjetit të 25-vjeçarit, policia e Shkodrës jep detaje

Policia e Shkodrës ka reaguar për të shtënat me armë që u raportuan këtë mbrëmje.

Sipas policisë, 25-vjeçari Alban Bruçi ka kallëzuar se në drejtim të automjetit të tij është qëlluar me armë zjarri. Ndërkohë siç u raportua më herët edhe nga gazetari Senad Nikshqi nuk ka persona të lënduar.

Njoftimi:

Shkodër/Informacion paraprak

Rreth orës 21:30, shtetasi A. B., 25 vjeç, ka kallëzuar se, në lagjen “Partizani”, Shkodër është qëlluar me armë zjarri pistoletë në drejtim të automjetit tip “Audi”.

Nga të shtënat nuk ka persona të dëmtuar.

Grupi hetimor, nën drejtimin e Prokurorisë, vijon punën në vendngjarje për sqarimin e plotë të rrethanave, dokumentimin ligjor të kësaj ngjarjeje, identifikimin dhe kapjen e autorit/ëve.

Shërbimet e Policisë kanë ngritur pika kontrolli edhe në zonën përreth, me qëllim kapjen e autorit/ëve.