Berisha komenton ndryshimet në qeveri: Rama përgjegjësi nr.1 në aferë, firmosi kontratën për inceneratorët

Kreu i PD Sali Berisha, ka dalë sot një deklaratë për mediat, ku komentoi ndryshimet në qeveri, ndërsa zbuloi sipas tij ‘prapaskenat’ e vendimit.

Nga selia blu, Berisha theksoi se Ahmetaj u shkarkua për aferën e inceneratorëve, duke shtuar se abuzuesi numër një është kryeministri Edi Rama.

“Sot njoftohet se Edi Rama për të larë duart me krimin e tij të shëmtuar aferën ndër më të mëdha në historinë e vendit ata të djegëseve ka shkarkuar nga detyra Arben Ahmetaj. Me këtë rast unë duke e konsideruar Ahmetajn një nga eksponentëve kryesor të mafies së djegësve shtoj se kreu i kësaj afere është një dhe vetëm një, dhe ky është Edi Rama.

Në aferën e inceneratorëve ka firmosur siç ka pohuar vetë, në kundërshtim me ligjin. Rama ka firmosur në mënyrën më të paligjshme kontratën bazuar ne procedurën antiligjore të negociatave të mbyllura. Edi Rama në shkelje flagrante të ligjit dhe barazisë së tenderave ka firmosur kontratën e një kompanie që kishte zero eksperiencë në fushën e plehrave. Rama është përgjegjësi numër një i vjedhjes monsruoze të shqiptarëve në aferën e djegëseve.”, tha Berisha.

Arena e Lajmit