Ishte në kërkim për vjedhje, arrestohet 24-vjeçari në Kurbin

Arrestohet 24-vjeçari i kërkuar për vjedhje në Kurbin.

Shërbimet e Komisariatit të Policisë Kurbin, si rezultat i veprimeve të koordinuara policore dhe shkëmbimit të informacionit me struktura të tjera, me qëllim kapjen e personave në kërkim dhe vendosjen e tyre para përgjegjësisë ligjore, si dhe bazuar në informacionet e marra në rrugë operative, kanë lokalizuar dhe kapur në fshatin Sanxhak, shtetasin e shpallur në kërkim:

– Orges Filaj, 24 vjeç, banues në Kurbin, pasi Gjykata e Rrethit Gjyqësor Tiranë, e ka dënuar me 2 vjet burgim për veprat penale “Vjedhja” dhe “Largimi i të burgosurit nga vendi i qëndrimit”.

I ndaluari iu dorëzua shërbimeve të Drejtorisë Vendore të Policisë Tiranë, për veprime të mëtejshme procedurale.