Sistemi VAR dhe arbitrat vijojnë të përbëjnë një nga temat më të nxehta të futbollit modern, e megjithatë teknologjia do të vazhdojë të shtrihet në futboll. Këtë e vërteton edhe fakti se po mendohet për t’u marrë një tjetër hap për të zvogëluar edhe më tepër gabimet që ndodhin në gjykimin e takimeve.
Sidomos kur ato janë të një rëndësie të veçantë siç do të ndodhë në Katar. Sipas raportimeve nga mediat e ndryshme nëpër botë, duke filluar nga sezoni i ri disa risi mund të përfshihen në VAR, duke përfshirë praninë e specialistëve në monitor dhe pozicionin jashtë loje automatik.
Aktualisht, “këmishët e zeza” veprojnë me rrotacion në dhomën e VAR duke qëndruar një javë në fushë e në atë pasardhëse në monitor. Ndërkohë, parashikohet që së shpejti aty të rrijë gjatë gjithë kohës një specialist, i cili duhet të ketë detyrën të marrë vendime pa u ndikuar nga arbitri kryesor.
BOTËRORI – Një tjetër zhvillim është ai i pozicionit jashtë loje automatik, që FIFA e projekton si funksional për Kupën e Botës në Katar. Një softuer do të jetë në gjendje të zbulojë në kohë reale pozicionimin e lojtarëve në fushë, duke përdorur sensorë dhe duke shpejtuar kohën (30 sekonda) për konfirmimin ose jo të një goli.
Të gjitha këto momente do të jepen në ekranet e stadiumeve, në mënyrë që të shihen edhe nga tifozët e pranishëm, ndërkohë që ky vendim ka hasur jo pak kundërshti nga ana e skuadrave.
Arena e Lajmit
Loading…
and then