Deputetja e Partisë Demokratike Jorida Tabaku, ka reaguar në lidhje me aksionin që nisi sot në orët e para të mëngjesit në “Prestige Resort”.
Me anë të një postimi në Facebook, Tabaku u shpreh se presioni ndaj gazetarëve dhe sulmet ndaj mediave, janë një tipar tipik i regjimeve autokratike
Postimi i plotë:
Pamjet e mengjesit të sotëm me policinë e shtetin pranë një biznesi privat të grupit të mediave News 24 dhe Panorama ishin trishtuese dhe tregojnë fytyrën e vërtetë të qeverisjes!
Historia e qeverisë që turret për të shembur biznese që deri dje i ka konsideruar mikpritëse vetëm përse linjat editoriale të mediave nuk ndjekin urdhrat e qeverisë është një film parë më herët.
Një film që ka shkuar deri në gjykatën e Arbitrazhit dhe që ka sjellë më tej një media përherë e më të kapur dhe vetëcensuruar.
Fatkeqësisht qeveria vazhdon të përdorë mjete totalitare për të vendosur drejtësinë e saj vetëm përse media nuk i përgjigjet interesit dhe oreksit të qeverisë. Kjo është tragjedia e lirisë së medias dhe lirisë së bërit biznes ne shqiperi!
Sulmet politike ndaj biznesit e medias, presioni ndaj gazetarëve, ndaj atyre që denoncojnë korrupsionin është tipari tipik i regjimeve autokratike! Kjo që po ndodh sot, nesër mund ti ndodhë kujtdo! Nesër vjen te dera jote!
Arena e Lajmit
and then