Çelsi ka nisur një revolucion të ri në skuadër, duke hequr disa lojtarë që nuk janë në planet e trajnerit Tomas Tuhel. sipas “Daily Mail”, Timo Verner, Kristian Pulisiç dhe Hakim Zijeh janë tre lojtarët e fundit që “Blutë” i kanë nxjerrë në ankand.
Dy të parët janë ofruar te Juventusi për një shkëmbim me De Ligtin, ndërsa marokeni është në bisedime për t’u transferuar te Milani në formën e huazimit për një vit.
Gjithsesi nëse Verner largohet, atëherë maja e sulmit do të ngelë bosh, pasi dhe Lukaku shkoi te Interi.
Kjo mund të jetë një mundësi e mirë për sulmuesin e Kombëtares shqiptare, Armando Broja, i cili mund të tregojë vlerat e tij për të zënë vendin e lënë bosh.
20-vjeçari është thirrur nga trajneri gjerman, Tomas Tuhel, për fazën përgatitore dhe aty pritet që ai të vendos nëse do ta mbajë Brojën në skuadër ose jo.
Sulmuesi i Kombëtares kërkohet nga shumë klube angleze dhe jo vetëm, por nëse gjërat shkojnë kështu, Tuhelit do t’i duhet një sulmues dhe mund të preferojë ta mbajë në “Stamford Bridge” sezonin e ardhshëm dhe t’i japi një mundësi në skuadrën e parë.
Arena e Lajmit
Loading…
Loading…
and then