Specialistët për Hetimin e Krimeve të Komisariatit të Policisë Fier, në vijim të punës për kapjen dhe vënien përpara përgjegjësisë penale të personave të shpallur në kërkim, si dhe mbështetur nga inteligjenca informative, lokalizuan dhe vunë në pranga shtetasit në kërkim:
-I. H., 49 vjeç, banues në Fier, pasi Gjykata e Shkallës së Parë Fier, me vendimin e datës 19.10.2022, i ka caktuar masën e sigurisë “Arrest në burg”, për veprat penale “Keqtrajtimi i të miturve” dhe “Veprime në kundërshtim me vendimin e Gjykatës”;
-E. M.(H)., 25 vjeç, banues në Fier, për veprën penale “Mashtrimi”, pasi në datën 31.03.2022, me anë të mashtrimit, i ka marrë një shtetasi, automjetin tip “BMW”, me pretendimin për ta riparuar në një servis dhe nuk ia ka kthyer më.
—
Specialistët për Hetimin e Krimeve të Komisariatit të Policisë Lushnjë referuan materialet në Prokurori dhe nisi procedimi penal për shtetasin L. M., 69 vjeç, banues në Lushnjë, pasi dyshohet se ka ushtruar dhunë ndaj bashkëjetueses së tij.
Materialet procedurale i kaluan Prokurorisë, për veprime të mëtejshme.
and then