Pista që largon Daniel Maldinin nga Milani, të paktën për një vit, bëhet gjithnjë e më konkrete. Fantazisti i “Djallit” gjeti pak hapësirë sezonin e kaluar, pavarësisht se kontribuoi me një gol në fitoren kundër Specias. Sivjet minutazhi mund të jetë më i pakët duke pasur parasysh konkurrencën e ashpër që hasi në ekipin kampion italian 2021/’22.
Prandaj, opsioni i huazimit vjetor do të dukej mënyra më e mirë për të lejuar që produkti më i fundit i dinastisë Maldini të fitojë përvojë mes profesionistëve, pa zbritur domosdoshmërisht në kategori. Sipas “TuttoMercatoWeb”, dy skuadra të Serisë A kanë dalë tashmë me vendosmëri për të siguruar shërbimet e 21-vjeçarit.
Po flasim për të sapongjiturën në Serinë A Kremonezen dhe Veronën, me Gialloblù-t që do të dukeshin favoritë për momentin. Disi më prapa qëndron Kaljari, një skuadër e rëndësishme, por më e penalizuar në një zgjedhje të mundshme nga ana e Maldinit, duke qenë se sivjet do të militojë në Serinë B.
Arena e Lajmit
Loading…
Loading…
and then