VIDEO/ Interi ka një telash më pak, i paguan miliona euro lojtarit që të shkojë në një klub tjetër

Interi duket se më në fund do të çlirohet edhe nga pesha e një lojtari që nuk bën pjesë në planet e klubit zikaltër. Mesfushori Arturo Vidal ka udhëtuar drejt Brazilit ku pritet të firmosë së shpejti me Flamengon që do të bëhet shtëpia e tij e re.

Mesfushori kilian kishte një tjetër vit kontratë me zikaltërit dhe këta të fundit u detyruan që të paguanin futbollistin për të prishur para kohe marrëveshjen në mënyrë që të lironin një vend në skuadër. Akordi është arritur për 4 milionë euro dhe Vidal, i cili nuk shihet si një lojtar i vlefshëm nga Simone Inzagi, i ka dhënë lamtumirën zikaltërve për të udhëtuar menjëherë drejt Brazilit.

Ai është pritur në aeroportin e Rio De Zhaneiros nga një numër i madh tifozësh dhe presidenti i Flamengos, me të cilin do të kryejë vizitat mjekësore para se të hedhë firmën në kontratën që e lidh me këtë klub.

A chegada de Arturo Vidal. pic.twitter.com/AzNts8fjrN

— Isabelle Costa (@bellexcosta) July 6, 2022

Arena e Lajmit