I riu humbi jetën duke shpëtuar nga mbytja dy të mitur, Presidenti Meta: Simbol i vetëmohimit dhe vlerave humane

Presidenti i Republikës Ilir Meta, ka shprehur ngushëllimet për ndarjen nga jeta të Anri Kashikut, i riu i cili sakrifikoi jetën e tij për të shpëtuar nga mbytja dy të mitur, vëllain e tij dhe një person tjetër.

Në mesazhin e tij të ngushëllimit, Kreu i Shtetit thotë se Anri Kashiku është simbol i vetëmohimit, i dashurisë për jetën dhe vlerave më të larta humane.

MESAZHI I PRESIDENTIT META

ANRI KASHIKU, HEROI YNË! 🙏

Mirënjohje dhe respektin më të thellë për këtë njeri të jashtëzakonshëm që me sakrificën e tij sublime shpëtoi sot dy jetë për t’u përjetësuar në memorien tonë si simbol i vetëmohimit, i dashurisë për jetën dhe vlerave më të larta humane.

Ngushëllimet më të ndjera familjes!

Arena e Lajmit