Ylli i Juventusit bën prapakthehu, mund të qëndrojë në Torino

Matajs de Ligt duket se ka ulur vrullin dhe dëshirën për momentin, për t’u larguar.

Pas vizitës së bërë në Torino nga drejtori sportiv i Bajernit të Mynihut, Hasan Salihamxhiç, ky i fundit me 60 milionë euro plus bonuse nuk është që ka ofenduar vetëm Juventusin, por mesa duket disi edhe vetë futbollistin 22-vjeçar, që priste diçka më serioze nga kampionët e Gjermanisë.

Dhe nga kjo situatë ka dashur që të rifutet në skenë “Zonjë e Vjetër” dhe drejtuesit e saj, për të kërkuar gjetjen e një akordi, për të shuar edhe ndjenjën e divorcit mes palëve.

Matajs de Ligt dhe Juventusi duket se janë gati që të ulen sërish në tavolinë për të biseduar mundësinë e një rinovimi kontrate, por kjo me kusht për të ulur klauzolën ekzistuese në marrëveshjen prej 120 milionë eurosh, e cila po largon çdo pretendente të mbrojtësit.

Kjo lëvizje do t’i bënte mirë edhe Juves dhe holandezit, pasi do t’i jepnin njëri-tjetrit 1 tjetër vit kohë për të menduar më së miri edhe situatat dhe pakënaqësitë e shpërthyera këtë verë.

Arena e Lajmit