Dinamo zhgënjen në testin miqësor, skuadra e Kategorisë së Parë i jep leksion me 3 gola

U luajt sot në kompleksin sportive të Kamzës, miqësorja mes Tërbunit dhe Dinamos që përfundoi me triumfin 3-1 të pukjanëve të drejtuar nga trajneri Alert Alacani.

Të 3 golat për “shqiponjat e veriut” në këtë test miqësor u shënuan nga sulmuesi Albert Keko. Të dyja skuadrat si Tërbuni ashtu dhe Dinamo, do të jenë rivalë këtë sezon në Kategorinë e Parë. Pavarësisht objektivave madhore të shpalosura në media nga skuadra e Nevil Dedes, në këtë duel miqësor ishin pukjanët ata që dominuan si me lojë ashtu dhe në rezultat.