Shorti i turit të tretë të Champions-it/ Përballje e vështirë në rast kualifikimi për Shkupin, Monako duel ndaj PSV-së. Ja të gjitha sfidat

Sot, në Nion të Zvicrës është hedhur shorti i turit të tretë të sezonit 2022/2023 të Champions-it.

Skuadra e vetme shqiptare në këtë kompeticion europian, Shkupi në rast se kalon pengesën Dinamo Zagreb në turin e dytë do të mund të përballet me fituesin e çiftit Ludogorets-Shamrok Rovers.

Më tej në minigrupin 1 ka mund të ketë duele interesante, ku fituesi i çiftit mes Makabi Haifës do të ndeshet ndaj Apollon Limasolit. Karabagu ose Zyrihu do të sfidojnë një mes Ferencvaroshit ose Slovan Bratislavës.

Në minigrupin e dytë, fituesi i Mariborit dhe Sherif Tiraspolit do të ndeshen me fituesin e Helsinki ose Viktoria Plzen. Linfild ose Bodo/Glimt do të ndeshen ndaj Zalgiris ose Malmo.

Crvena Zvezda do të presë në turin e tretë fituesin e Pjunik-Dudelanzh. Më tej ka një duel interesant ku Monako do të masë forcat ndaj PSV-së.

Dinamo Kiev ose Fenerbahçe do të duelojnë ndaj Shturm Grazit. Skuadra belge e Union Sant-Xhiles do të ketë përballë skocezët e Rejnxhërsit. Ndërsa Benfika do të presë fituesen e Midytlandit ose AEK Larnakës.

NDESHJET E TURIT TË TRETË –

Makabi Haifa-Olimpiakos / Apollon Limasol

Karabag-Zyrih / Ferencvarosh-Slovan Bratislava

Ludogorets-Shamrok Rovers / Dinamo Zagreb-Shkupi

Maribor-Sherif / Helsinki-Viktoria Plzen

Linfild- Bodo-Glimt / Zalgiris-Malmo

Crvena Zvezda / Pjunik-Dudelanzh

Monako – PSV

Dinamo Kiev-Fenerbahçe / Shturm Graz

Union Sant-Xhiles – Rejnxhërs

Benfika / Midityland-Larnaka

MINIGRUPET –

– Arena e Lajmit