Elvis Demçe, i cilësuar si ‘Zoti i drogës’ është dënuar me 18 vite burg me procedurë të shkurtuar në Itali, pas akuzave për trafik droge. Mediat italiane raportojnë se Ermal Arapaj, një tjetër personazh i botës së krimit është dënuar me 16 vjet.
Dy krerët e organizatave rivale që po luftonin për sheshet e trafikut të drogës mes Romës, Acilia dhe Velletri nën luftën e armëve, zjarrit, kërcënimeve, pritave tashmë do të përballen me shumë vite burg. Elvisi, i cili është përfolur për lidhje të tij me grupin famëkeq italian Camorra, e kishte etiketuar veten; “Unë jam Zoti”.
Lufta mes dy bandave rivale
Ermali, i njohur si ‘Ufo’, bos i një bande rivale dhe dikur mik i Demçes, duke përfituar nga periudhat e burgimit të këtij të fundit, tentoi t’i vidhte sheshet e trafikut të drogës. Një përplasje e dëshmuar nga ngjarje të ndryshme lajmesh duke përfshirë: pritën e Ermalit nga bashkëpunëtorët e Demçes në korrik 2020 dhe zjarrin në një vile në Arapaj në Velletri më 5 shtator të vitit të kaluar.
Hetimet për të dy shqiptarët u kryen nga prokurori Mario Palazzi dhe Francesco Cascini, ky i fundit ishte në shënjestër të Demçes që kishte vendosur ta vriste. Por veprimet hetimore vijuan dhe të dy përfunduan në pranga dhe ditën e hënë iu desh të dilnin para organeve të drejtësisë së Kapitolinës për trafik droge. Ndërkohë, për këto dy organizata kriminale është kërkuar një dënim total prej 120 vitesh burgim.
Arena e Lajmit
and then