Dëshmia që dha alarmin, kërkimet për shqiptaren e zhdukur prej dy vitesh në Greqi zhvendosen në Suedi

Artemisa Vasili është 19-vjeçarja me origjinë shqiptare e cila rezulton e zhdukur në rrethana misterioze që prej dy vitesh.

Por mediat greke kanë sjellë në vëmendje zhdukjen e 19-vjeçares ku duket se ngjarja mund të marrë tjetër rrjedhë. Një dëshmi e re në emisionin investigativ duke se ka rikthyer shpresën për gjetjen e saj.

Mediat greke shkruajnë: Një shqiptare që jeton dhe punon prej vitesh Suedi, ka pohuar në emision nëpërmjet një telefonate se ka parë Artemisën në qytetin e Goteborgut në Suedi. Dëshmia në fjalë për 22-vjeçaren ka ngritur alarmin te autoritetet greke dhe ka shkaktuar mobilizimin e menjëhershëm të policisë lokale, Interpolit dhe Autoriteteve Konsullore, ndërsa është vënë në dijeni edhe avokati i familjes, Anastasios Dougas. Avokati së bashku me vëllanë e Artemisës udhëtoi për në Suedi për të takuar dëshmitaren dhe për të kërkuar ndihmë autoriteteve atje.

Dëshmia që dha alarmin:

Dëshmitarja, me origjinë nga Shqipëria, jeton prej shumë vitesh në Greqi dhe tashmë jeton me bashkëshortin e saj në Suedi, thotë se ka parë vajzën dhe se është e bindur se është ajo.

“E pashë Artemisën në një qendër tregtare në Goteborg, jam i sigurt se ishte ajo. Ishte Artemisa, e pashë shumë afër. Me të ishte një vajzë tjetër dhe një djalë. I tha “hajde Emi…” Unë kthej kokën dhe i them “je greke?”, se u gëzova kur dëgjova greqisht. Ajo ishte e dobësuar, e veshur me një shall leshi me një kapak sipër. Vajza tjetër i foli në shqip. Di shqip edhe greqisht dhe e kuptova. Unë isha pranë Artemisës dhe nuk më përgjigjen fare, vetëm djali i thoshte diçka. Kur e pyeta nëse ishte Artemisa, vajza tjetër që ishte me të e tërhoqi dhe i tha në shqip të largohej. Unë shkova në makinë për të marrë celularin për t’i bërë një foto menjëherë, por edhe ata hipën në makinën e tyre dhe u larguan. Kam arritur të ruaj vetëm tre shifrat e fundit të numrit suedez. Artemis nuk foli fare, as unë, as nuk jam. Ajo ishte e shqetësuar, e frikësuar. Unë kam dy vajza dhe nuk po gënjej. Unë e di se si është të jesh nënë. Të dukesh kaq shumë si Artemis? Pasi të thashë e pashë aq afër, vetëm se nuk e përqafova…”

Arena e Lajmit