Derbi i parë i Londrës mes Arsenalit dhe Çelsit u zhvillua në Orlando në Shtetet e Bashkuara të Amerikës.
“Topçinjtë” e Londrës bëjnë “poker” ndaj Çelsit me rezultatin 4-0.
Në miqësoren e zhvilluar në prag të fillimit të sezonit të ri pati shumë emocione, teksa serinë e golave e hapi Gabriel Zhezus në minutën e 15′.
Më pas ishte Odegard, ai që shënoi golin e 2-0 në minutën e 36′, Saka në të 66′ dhe Lokonga mbylli serinë e golave në minutën e 90+3′.
Arsenali ka ende edhe një miqësore për të zhvilluar, atë ndaj Seviljes më 30 korrik teksa ka luajtur edhe 5 miqësore, ku të gjitha i ka fituar kundër Ipsuiçit, Nurenbergut, Evertonit, Orlando Sitit dhe së fundmi Çelsit.
Ndërsa blutë e Londrës kanë luajtur tre miqësore ku kanë humbur 2, ndaj Arsenalit dhe Sharlotës dhe kanë fituar 1 kundër Klab Amerikas, gjithashtu ekipi i drejtuar nga Tomas Tuhel do të zhvillojë edhe një miqësore ndaj Udinezes më 29 korrik.
– Arena e Lajmit
Loading…
Loading…
and then