Një episod mjaft interesant ka ndodhur në stërvitjen e sotme të Napolit, me protagonist yllin e kësaj skuadre, Viktor Osimhen. Sulmuesi është ankuar për një faull dhe trajneri Spaleti e ka përjashtuar nga stërvitja.
Spaleti i kishte kërkuar lojtarëve një ndeshje me intensitet të lartë dhe në fushë nuk munguan përplasjet e forta fizike mes futbollistëve të ndarë në dy skuadra. Osimhen nuk pëlqeu një ndërhyrje të Ostigard dhe filloi të ankohej, duke u përplasur më pas me Anguisa.
Trajneri Spaleti i kërkoi të qetësohej por sulmuesi vazhdoi me të tijat. Atëherë Spaleti e përjashtoi Osimhen nga stërvitja. “Po flet shumë! Ik e bëj dush”, ishin fjalët e teknikut i cili nuk ngurroi të largonte publikisht yllin e sulmit nga stërvitja. Një situatë e veçantë në një moment ku emri i Osimhen është përmendur si një lojtar i cili mund të ndryshojë ekip, nëse do të ketë oferta që i afrohen kërkesës prej 100 milionë eurosh që ka Napoli për kartonin e tij.
Arena e Lajmit
Loading…
and then