Kishin emigruar ilegalisht drejt Britanisë së Madhe, deportohen 40 shqiptarë, pritet të mbërrijë charteri i dytë

Deportohen nga Britania 40 shtetas shqiptarë. Një charter me 40 të deportuar nga Britania ka mbërritur në aeroportin e Rinasit në orën 11 e 30.

Lajmi u bë i ditur për BalkanWeb nga gazetari Igli Çelmeta.

Pas intervistave dhe procedurave ligjore në komisariatin e Policisë Kufitare të Rinasit 40 shqiptarët e deportuar janë pritur nga familjarët e tyre.

Shumica e të deportuarve kanë punuar në punë të zezë, si në ndërtim, por ka edhe nga ata që janë të dënuar për vepra penale në Britani. 40 shqiptarë e deportuar jashtë kamerave për News24 shprehen të pakënaqur nga trajtimi i shtetit britanik sidomos pas deklaratës të ministres së brendshme britanike Braverman.

Burimet thanë se në datën 19 janar pritet të mbërrijë edhe një charter tjetër me shqiptarë të deportuar nga Britania.

Arena e Lajmit