Një familje nga Virxhinia ka fituar një xhekpot prej 921,850 eurove (1 milion dollarë) në lotari pasi një biletë e Lotarisë së Milionerit të Vitit të Ri, e blerë si dhuratë për t’u vendosur në çorapen e dhuratave, doli të ishte një biletë fituese e çmimit të madh.
Jennifer Wanamaker nga Chesterfield County u tha zyrtarëve të Lotarisë së Virxhinias se ajo bleu disa bileta të Lotarisë së Milionerit të Vitit të Ri nga dyqani Wegman’s në Midlothian dhe i vendosi në çorapet e dhuratave të Krishtlindjeve të familjes së saj.
Bileta e vendosur në çorapen e dhuratave për vajzën e saj, Caitlin, doli të ishte një fituese prej 921,850 eurove (1 milion dollarësh) në lotarinë e Vitit të Ri, raporton UPI, transmeton Telegrafi.
“Është surreale”, u tha Caitlin zyrtarëve të Lotarisë së Virxhinias. “Është një fillim i mrekullueshëm për vitin e ri!”
Caitlin tha se do ta ndajë çmimin prej 921,850 eurove (1 milion dollarësh) me prindërit e saj, Jennifer dhe Patrick, dhe motrën e saj binjake, Alison.
“Nëse një person fiton, ne të gjithë fitojmë”, tha Patrick. Caitlin dhe Alison janë të dyja duke studiuar infermierinë në kolegj.
and then