Një tjetër automjet i kompanisë “Gjoka Construcsion” që po ndërton rrugën e Arbrit është vetëaksidentuar.
Ngjarja ndodhi mbrëmjen e djeshme ku një automjet tip fadromë që po punonte në rrugën e Arbrit në fshatin Bastar Murrize të Tiranës ka dalë nga rruga duke përfunduar mbi një baxho të përpunimit të qumështit.
Nga rënia e mjetit të rëndë ka mbetur i plagosur drejtuesi i saj dhe ka pasur dëme materiale.
Kjo është hera e dytë që brenda 3 ditëve dy mjete të tilla të kompanisë dalin nga rruga. Dy ditë më parë një mjet i tillë përfundoi në greminë në fshatin Murrize të Xibrit pak metra larg hyrjes së tunelit të madh të rrugës së Arbrit. Drejtuesi i mjetit mbeti i dëmtuar ndërsa u hodh prej tij.
Kompania “Gjoka Construction” ka nisur riparimin e disa defekteve në rrugë ndaj mjetet po punojnë jashtë saj.
and then